جور الدهر مايعتبر نقص وعيوب
العيب لا منك قدرت وترديت

كل الرجال عيوب وأفعالك الثوب
أما استترت بطيب ولا تعريت

ودك تشوف وشلون تنظر لك الناس
شف نظرتك للناس وتعرف شلون

على حسب مقياس نظرتك تنقاس
أن شفتهم من دون شافوك من دون

آآه ياجود الحزن وياي والفرحة شحوح
ضايع بهمومي والغبرا بوسط المعمعه

أشتكي لوسادتي دنياي وأسمعها تنوح
كنها بعضي وبعضي وينه ومن هو معه

أما تلاقي حل ولا تحلني !! 
حل من الحلين والثالث محال

لا أنت القريب اللي بحضنه شلني
ولا أنت البعيد اللي قطع حبل الوصال

أنت غريب الطبع وطبعك ذلني
تعشقني يوم ويومين ماتسأل سؤال !!

خابت هقاوينا على جرد الأيام
وقصرت نوايانا عن اللي هقينا

وحتى الرفيق اللي نحسب أنه حزام
لا صكت البقعى تغير علينا

دام ( العقل ) يحدث توتر مع الناس
خله يريح وأنت جرب ( تغابى )

سبب رئيسي ( للتعاسه والأفلاس )
( صاحي ) يجادل له عقول تعابه !

أبكيك ياحزني وياحزني أبكيك
خليت قلبي للمعاناه مسرح

أبلشتني ياخاطري بالتهاليك
طريح جرح وراعي الجرح يمرح

بيت الوفا بيتي ولا له شبابيك
ولا عاد لأتفه الشوق مطرح

أرجع وأقول الله يجازيك وأحسنت
لا تعتذر لي كمل الدرب معذور

لو أن صدرك من حديد معا أسمنت
يمديك تبني لي محطات وجسور

أنا أنا في واقعي وأنت هو أنت
محد على الثاني مكلف ومجبور

طيفك إذا زارني خليت جلاسي
وشلون لو جيتني ياسبه سكوتي

خلاص يكفي حرام أسرفت بإحساسي
من بعد عينك تراني صرت بيتوتي

اشتاق له لو يسرق العمر ويغيب
وأحتاج له لو ( شح فيني زهابه )

مثل المطر لا غاب ندري وش يجيب
الأرض تحتاج ( سحابة سحابة ) !

يكفيه خلا الضد فيني مطاليب
( أموووت في وصله وأموووت بغيابه )

الله يعين اللي من الحب ماذاق
غير الفراق ومر ذيك الليالي

والله يعين اللي من الحب مافاق
الا على فقدت عزيزن وغالي

أبدي سروري وأخفي الهم والضيق
والناس ماتعرف خفايا جروحي

أنا (قوي) قدام كل المخاليق
وأضعف بشر لا صرت (قدام روحي)

لي حظ في درب (المواصيل) خايب
ماعدله (ياليت) ولا عدله لو

(الجو) يسرق ضحكتي وأنت غايب
أتعب من (غيابك) وتعبني (الجو)

ماكل شخص لا قراني قرااااني
ولا كل حلم مرني أطلب رضاه

ولا جيت أدور للحقيقه (معاني)
جيت أكتم بصمتي سخافات الأفواه

لقيت لي ضايق يسولف لضايق
وعطاه من بين النصايح نصيحه

لا طاح قدرك من عيون الخلايق
لا تحسب أنه ياأبيض الوجه طيحه

ماهي فضيحه وإنتبه للحقايق
طيحتك من عينك هي اللي فضيحه